12, தாமஸ் தெரு கோட்டயம்

 
கொடியில்

 வெள்ளை அங்கிகள் படபடக்கும்.

 மோன அமைதியெங்கும்.

 நேர்த்தியாய் வெட்டபட்ட

 புற்களும், செடிகளும்.

 பறவைகளும் பயபக்தியாய் பறந்தமரும்.

 பியனோவில் கசியும் ஆகம சங்கிதம்.

 சிலுவையில் குருதி சிந்தும் கர்த்தன்.

 கைபிடிசுவருக்கு அப்பால் கிடக்கும்

 விஸ்பர்களும், விசும்பல்களும்

                 

. [2] 

 மாலை பிராத்தனை நேரத்தில் 

 மடத்தின் பின் வாசலருகே

 புனர ஆரம்பித்தன நாய்கள்.

 இரும்பு கதவை

 இழுத்து  மூடினாள் கன்னியாஸ்திரி.

 அந்தரங்கம் அனுமதித்ததற்கு

 நன்றி சொல்லி

 மேலும் சந்தோசமாய் புனர்ந்தன

.இந்திரன் உடம்பாயிற்று இரும்புகதவு.

சாம்ராஜ்.